Ministri blong Health wetem U.S Peace Corps Vanuatu (wan agenci blong United States Kavman), oli saenem wan memorandem blong wan komuniti healt projek weh bae i lukluk planteh long famli wota, healt sanitesen mo hygin.
Saening blong memorandem ya hemi tekem ples long Maj namba 11 2024 mo bae hemi stap kasem Decemba 2026.
Mein kol blong olgeta hemi blong mekem sua seh ol komuniti i liv long wan healthia laef styel.
Sam long ol skil voluntia blong U.S peace corps bae oli fokas planteh long wash (hygin) mo nutrichen seves mo bae oli wok kolosap wetem ol healt woka mo nurse long komuniti level, mo semak taem wok wetem ol komuniti lida blong inkarej healthi laef style living.
Ol ples weh bae ol volutia mo ol nurse oli wok long hem, bae oli kat janis tu blong lanem ol komuniti level long ol difren kian healt aktiviti weh oli saveh help lem.
Minista blong Healt hemi akonolojem patna weh ministri hemi kat wetem U.S Peace Corps mo hemi pointem aot seh kaontri hemi luk gudfala aotkam weh ol voluntia oli bin stap mekem finis i kam.
