Kol blong pipol i soem sapot long ol fes man we pipol i askem taem oli ko long wan vilij we oli ownem ol graon.
VBTC TV Producer, Joseph Tom we i kamoat long Sherpherds aelan i singaotem ol matarau blong Shefa Provins we Jifs Nakamal i stap long Nasara blong olgeta blong sapotem radiothon long wik ia.
Hemi askem ol pipol blong luksave se ‘Ol Jif i singaot’.
“Yumi no askem wan bigfala mani, yu kat wan VT20 0 VT100 kam putum,” Mr Tom i talemaot.
“Olgeta we oli stap long aelan o ovasi yu tu i save donate long wan akaon long Bred Bank nem VBTC events.
“Sapos ol niu born bebe i save slip long 10 niu life save masin(incubator) blong ol bebe mbe radiothon ia i semak nomo so kam sapotem ol jif blong yu; VBTC Radiothon long 2020 i helpem ol bebe naoia from festaem i kat tu incubator nomo long Vila Central Hospital.
“Yumi evri wan ia i kamaot long wan nasara; ol yang gel mo boy yumi evriwan i kat wan jif. ol Pipol long Emae, Makira, Tongoa, Tongariki, Buninga, Epi, Ifira, Nguna, Pele, Emau mo Efate plis kam soem sapot blong yu.”
