Ministry blong Health i advaesem se ol pipol i save tekem test blong COVID long Lenakel Hospital long Tanna aelan, Norsup Hospital long Malekula, mo Lolowai Hospital long Ambae kwiktaem sapos oli kat ol saen blong sik ia olsem feva, hed, bak mo han joint i soa mo cof.
Ministry blong Health i advaes blong pipol we oli kat ol sik olsem sik suga mo hae blad presa blong mas stik.
Long Sanma, Luganville, ol ples blong tekem tes bae i opereit ful wan long en blong wik ia.
Long Central Wod, Unity Park, Sarakata Ward- Seventh Day Adventist Church, Chapui Ward- CMC Church West Ward- Kamewa primary school.
Vila Central Hospital i stap semak olsem mein COVID test wetem ol private health klinic; Novomedical, Medipole, Medical Center,
Vanuatu Private Hospital, Medical options, Dokta blong mi. Mo i kat wan jaj fi, i kat sam private klinic oli jaj VT3000 mo i kat ol difren fi. Ministry i talem se oli kivim aot stik meresin tu long ol klinic ia.
Ministry blong Health i rimaedem pipol we oli bin kat klos kondak wetem ol olgeta we oli kasem COVID mo harem se oli sik blong tekem wan tes kwiktaem.
