Sunday, February 9, 2025
24.8 C
Port-Vila
Sunday, February 9, 2025
More
    Sunday, February 9, 2025

    Kavman i saspendem Port Vila kaonsel

    Kavman i saspendem long wik ia Port Vila Municipal Kaonsel.

    Hemi from i kat alegesen se i kat sam misius blong mani long kaonsel ia.

    Minista blong Intenel Afeas, Hon Tony Harry Iako hemi saspendem kaonsel yestede folem investigesen we foma minista blong intenel afeas, Hon Christophe Emelee i bin launchem.

    Investigesen hemi faenem sam serious alegesen.

    Pablik Relesens Ofisa blong kavman, Antoine Malsugai, i talem se long ripot ia taem se hemi kam up, ripot hemi soem se i kat sam isiu we i stap insaet long municipal kaonsel we i nidim blong adresem veri quikli.

    “I kat plante tu ol isiu long saet blong manejmen blong mani,” Mr Malsugai i talem.

    Long taem we Port vila Municipal Kaonsel emi saspen i stap long wan period blong six manis, mbae ikat wan komisina i lukaotem ofis.

    Hon Minista Tony Harry Iako hemi apointem Ben Tari olsem komisina we i wok olsem desentrelasesen ofisa long ofis blong lokol otoriti.

    Hem nao mbae hemi lukluk long ol afea mo bisnis blong kaonsel.

    Mr Malsugai i talem se folem sabseksen 61-3A long ak blong municipality, Lord Mayor, Deputy lord mayor wetem ol kaonsela oli no intaetol blong risivim eni alowens long taem blong saspensen blong six manis long Port Vila Kaonsel.

    Oda blong saspendem kaonsel hemi tekem ples yestede 25 Septemba 2023.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations