Sunday, April 14, 2024
24.8 C
Port-Vila
Sunday, April 14, 2024
More

    Jif Willie bae hemi finis term olsem Presiden blong Malvatumauri nekis manis

    Jif Willie Grey Plasua blong Gaua aelan long provins blong Torba hemi stap kam long endem 5-yia term blong hem olsem Presiden blong Malvatumauri Kaonsel blong ol Jifs long nekis manis.

    Jif Willie bai hemi finisim term blong hem long namba 27 Oktoba.

    Long sem dei ia bai ol 41 elekted jif blong wanwan aelan oli electem nekis presiden blong Malvatumauri weh bai karem rol ia blong nekis 5 yia.

    Long wan intaviu wetem VBTC, Jif Willie i talem se hemi glad long wanem hemi mekem mo ol ajivmen blong hem.

    Wan long olgeta ajivmen ia hemi inkris blong namba blong olgeta Jif long kaonsel.

    Long 2019, namba blong ol Jif long i aot long 31 igo long 41.

    Hemi kol blong ol nekis jifs blong tekem role long Malvatumauri oli kohed blong mekem gud wok blong holem taet kalja.

    “Bai i no long taem ba mi finis long wok ia, mi kat wan manis nomo i stap, mo long end blong manis mi stap finis,” Jif Willie i talem.

    “Mi wantem wishem olgeta niufala kaonsel members we ba oli kam tumoro, we oli elekted finis naoia i stap long aelan, mo oli stap redi blong fly I kam, wishem olgeta all the best lo ol wok blong Malvatumauri.

    “Mi encouragem olgeta blong olgeta i stanap strong long kastom blong difren nakamal we oli kamaot lem long Vanuatu blo i no lus, from emi fasin blong yumi, identity blong yumi, we hemi laef blong yumi, blong ol ancestors blong yumi, kasem yumi tedei mo bai i ko long future long ol generation we bai i born iet i kam.”

    Ikat wan bigfala wok hemi stap too anda long kaonsel ia hemi blong bildim bigfala nakamal blong olgeta jifs weh hemi bin bon long earli yai.

    “Wok i slow we i slow bigwan, hemi slow bigwan ia from yumi kat sam wood i stap long bush iet mo ol wood ia blong kam long haus, hemi needem ol bigfala machine mo blong leftemap i ko antap long ol fork blong ol pos ia hemi nidim ol bigfala machine,” Jif Willie i talem.

    “So noaia we i stap ia, while yumi stap wait long ol machine from fulap machine oli no free.

    “Ol grain wetem ol kamiyong olsem fulap oli no free oli gat ol schedule blong ol wok blong olgeta. Mekem se yumi mas wait taem oli free yumi save usem wan I ko karem ol samting I kam.

    “While yumi stap wait, ol boi naoia oli stap mekem wok doan long flow long groan, mekem cement, preparem ol ting doan long groan.”

    Ikat aim blong nakamal ia hemi mas finis before Jif’s Dei long nekis yia.

    Enginia blong Department blong Infrastructure oli estimatem wan amount blong VT118 million olsem cost blong bigfala niufala nakamal ia.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen