Tuesday, April 16, 2024
24.8 C
Port-Vila
Tuesday, April 16, 2024
More

    Jif i talem se Melken vilij blong Malekula i nidim imidiet sapot

    Ova long 60 haos mo mein skul blong Melken komunity long saot east blong Malekula hemi damej bigwan.

    Hemia hemi folem Tropikol Saeklon Lola we hemi kam tru long Malampa provins long Wenisdei.   

    Jif Saimon Kemiel i talem se pipol i no gat gud shelta naoia mo li oli nidim imidiet sapot long saet blong shelta.

    Melken vilij oli kat wan population blong 268 pipol, i experiensem wan long ol distruktive saeklon, mo oli deskraepem se hemi bitim ol narafala saeklone.

    Melken komuniti hemi nokat wan aidpost blong help aot long ol natural disasta olsem o inokat akses blong rod blong trak.

    Taem Jif Saimon toktok wetem VBTC long Wenisdei aftanun hemi talem se fulup pipol i bin ron i go sef long haus blong hem taem saeklon i blowem out ruf blong olgeta.

    “Pipol ol komunity blong mi oli sef lo ples wea mi mi liv lo hem olsem mi no live klosap tumas lo solwata, mi liv lo bush. Hemia wan ples wea i stap lo bush lelebet,” Jif Saimon i talem.

    “Evri pipol blong mi oli live lo lokal haos nomo, i no gat wan building we emi wan strong building olsem bricks i go antap.

    “I gat sam haos kapa be oli no ol permanent haos.”

    Melken vilij long saot east blong Malekula. Foto: Chief Saimon Kemiel

    Jif Saimon i talem se taem win blong saeklon i go daon samtaem long moning oli faenem se fulap haos oli distroi, no mata se oli bin putum ol proteksen long hem blong stanap strong.

    “Mifala i rili nidim haos blo mifala from taem we saeklon i kam evri thatch blo haos saeklon i kilim evriwan mo i nomo save stap yet blo man i save soemap i go bak blong mekem haos mo naoia we i stap evri haos oli brok brok,” hemi talem.

    “Wan main nid blo mifala emi shelta, ples blo mifala i sef lo hem.”

    Naoia we i stap i nogat eni reports blong rapis injuri mo pipol i safe.

    VBTC emergency team hemi toktok wetem wan lokol, Jeremy Ataur, mo hemi konfemem seh ova long 60 aos oli damej bigwan.

    Hemi talem se saeklon ia i karem aot ol ruf blong plante haos long Melken. Hemi talem se ol famili we saeklon I karem aot ruf lo haos blong olgeta, oli go i stap wetem ol nara famili nomo we haos I gud.

    Mr Ataur hemi talem tu se mein skul, Daotombo Melken Primary Skul, hemi damej bigwan.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen