Japan hemi donatem ova long 200 niufala medikal equipmen iko long ol faev fala hospital blong kaontri.
Ol medikal equipmen ya hemi worth 300 million vatu.
Hemya emi no fes taem we Japan hemi kivim ol medikol equipmen iko long Vila Central Hospital (VCH).
Las yia Japan hemi kivim bedside X-ray majin we hemi stap long ol faev fala hospital blong kaontri.
Long wik ya, Ambasada blong Japan long Vanuatu, His Excellency Mr. Chiba Hirohisa, hemi handem ova long 200 medikol equipmen iko long ol faev fala hospital blong Vanuatu: Northen Provincal Hospital, Norsup Hospital, Vila Central Hospital, Lenakel Hospital mo Lolowai Hospital.
Ambasada Hirohisa i talem se hemi importen blong mas kat ol higher medikol equipmen long kaontri blong kipim ol pipol oli stap healthy oltaem mo faetem ol bigfala sik.
Direkta blong Curatif mo Hospital Services, Dr. Sereana Natuman, i talem se ol niufala equipmen ya bae hemi impruvum ol sapotive kea mo investigation long saet blong sik.
“For example ECG masin hemi diagnosim heart attack long wan man we hemi present wetem ol jes pain.
“Long ol provincol hospital, unfortunately before umi nokat ol ECG masin, so taem wan hemi kam wetem jes pain umi no save diagnosem so this taem wetem ol equipmen ya umi save diagnosem ol heart attak.
“Also long ol bed ol comfort zone blong ol patient blong umi, mo ol incubator hemi blong ol pikinini we oli bon be oli kat sam complication so umi putum olgeta long ol incubata ya blong helpem olgeta oli grow.”
Dr. Natuman hemi addem tu se ol staff blong hosital oli hapi long ol niufala equipmen ya.
“Especeli long ol bed, umi everyone umi save se ol bed long hospital ya oli more than 10 yia old, so wetem ol niufala bed we umi kat, hemi helpem tugeta ol staff mo ol sik man blong leftem up sik man, from ol bed ya oli usum electricity blong go up or down mo oli comfortable wetem ol matres blong olgeta, ol sik man oli no end up wetem pak pain we hemi wan komon komplen we VCH hemi stap risivim.”
Long ol equipmen ya ikat: bedside X-ray majin, bedside monitor, bedside monitor wetem multi gas unit, electrocardiograph (masin blong rekodem level blong heart), syringe pumps, ICU beds, hospital beds, mo infant icubator (majin blong kipim wan baby hemi sef).
