Monday, July 15, 2024
25.5 C
Port-Vila
Monday, July 15, 2024
More

    Isu blong Sako hemi stap inkris

    George Regenvanu we hemi Generol Maneja blong Ezzy Kill hemi talem se hemi impoten blong kipim namba blong ol maina bird daon.

    Hemi bin givim toktok long VBTC olsem respons weh olgeta i putum long Fesbuk page blong ol.

    Mr Regenvanu hemi bin talem toktok ya blong assurem ol pipol se hemi wan necesari samting blong mekem, hemi talem se olgeta maina bird o ol sako, oli stap kosem fulap problem long invironmen blong kaontri.

    Hemi talem se olgeta pijin ya hemi ol invasif speices, weh hemi minim se olgeta i no stap long kaontri bifo.

    Hemi talem se olgeta i stap fulap trabol long saed blong ol crops ol animol, mo long sam kes bae olgeta i stap kilim ol natif bird long kaontri.

    From hemia, Mr Regenvanu hemi talem se olgeta i stap wok blong saveh daonem namba blong olgeta maina bird.

    Hemi talem se metod blong pest kontrol hemi wan metod weh fulap narafala kaontri oli stap usum, mo hemi wan sev weh blong mekem se i no kasem olgeta natif o protekted bird long kaontri.

    “Proses blong hem, hemi se 1 wik bifo, mifala ko fidim olgeta, from olgeta i smart, bae mifala sakem ol kakae, we olgeta i get used long kakae, mo oli kam kakae, mo afta long wan wik yu ko fidim long wan specific taem we olgeta i stap kam plante, mo oli stap luk kakae ya evridei, so bae oli nomo fraet, from oli stap kakae evridei, taem ya nao bae yu mixim product wetem kakae blong olgeta mo bae hemi very effective mo safe.”

    Hemi talem tu se olgeta oli traem best blong olgeta, blong mekem sua se ol Maina bird nomo oli ol mein target blong ol.

    “Normoli wetem sako bae nogat eni narafala pijin i kam insaed from oli stronghed mo oli stap ronem ol narafala pijin i kamaot, but just in case we i gat wan locol species, we yumi no wantem targetem i mestem i kam kakae, hemi drowsi, bae mifala i pikim up mo putum long wan safe ples, taem we meresin hemi lus long hem, bae hemi kerap mo i fly bakegen, product we mifala i usum wetem method we mifala i usum wetem save se i gat ol narafala species, hemi very effective blong specifically targetem ol maina birds.”

    Mr Regenvanu hemi talem tu se olgeta i stap wok kolosap wetem kavman blong saveh daonem gud problem ya.

    “Mifala i stap wok wetem depatmen blong environmen, olgeta tu hemi wok blong olgeta blong oli controlem ol pest ya, mo Maina bird hemi wan long ol we i stap long list blong olgeta, so mifala stap wok wetem olgeta blong mekem ol control long ol narafala ples we i gat bigfala nid.”

    Mr Regenvanu talem se long tingting blong hem se bae hemi mo gud sapos we kavman i saveh putum moa prioriti long issu ya.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen