Sunday, April 14, 2024
28.8 C
Port-Vila
Sunday, April 14, 2024
More

    Investikesen long franlaen wokman -COVID

    COVID-19 National Tasfos Komiti bae i investigetem olsem wanem wan franlaen wokman blong hem i kasem Coronavirus.

    Acting Director blong Public Health, Dr Jenny Stevens, i konfemem wetem VBTC Nius long wik ia.

    Dr Stevens i talem se hemi kolosap long wan wik nao we tasfos komiti i no save yet olsem wanem franlaen wokman ia i kasem virus ia.

    “Franlaen wokman ia hemi oraet mo stap long kwarentin,” Dr Stevens i talem.

    “Ministry blong Health i kat ol efektiv protocol i stap inples blong tekem bak man i kambak long Vanuatu.

    “Keis blong wokman ia hemi interesting from oli wok folem ol strik protokol long las tu yia finis.

    Dr Stevens i talem se bambae oli mas investiketem tru long interview blong lukluk long sam eria blong impruvum kwiktaem.

    Ol repatriation flaet i kobak nomol bageken long wik ia taem kavman i alaoem.

    Mo evri franlaen woka oli mas go long kwarentin afta we oli wok long ol flaet we i karem pasenja i kam bak long kaontri.

    Vanuatu i gat wan naoia 8 COVID-19 aktiv kes evriwan mo hemi ol boda kwarentin keis.

    Praem Minista, Honoroble Bob Loughman, i anaonsem inkris long namba blong pipol we i kasem vaeres ia long wiken ia.

    Tri niu kes long ol pasenja ia kam long New Caledonia mo wan hemi involvem wan franlaen woka.

    Fes fo COVID kes, tri i kam long flaet blong New Caledonia mo wan long Brisbane.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen