Investigesen i stap ko hed long ded blong wan 17 yia old gel we oli bin faenem bodi blong hem long Estella Marie, Efate long wiken.

Polis Media i ripotem se long Satete naet, Polis long Port Vila i bin atendem inciden ia long main rod long Estella Marie we i luk ded bodi blong yangfala gel ia i stap long saed rod.

Leit Angela Tangibe we hemi blong Aneityum / Tanna mo hemi liv long Erakor Half rod wetem ol famili blong hem.

Taem Polis i kasem ples blong inciden ia, hemi finemaot se gel ia i gat sam kil long bodi mo hed blong hem.

Polis i bin toktok wetem samfala witness konsenem inciden ia we i stap lid i kam long sam gudfala lukluk long kes ia.

Polis i bin aplae blong I gat Autopsy long body blong 17 years old gel ia

Apil i I ko long public long eria ia o eni trak we i stap pas mo lukim wan saspicious aktiviti we bae i save lid i ko long ded blong yangfala gel ia blong kam fowod wetem ol infomesen.