Kavman i spendem VT61 million blong extendem Independence Grandstand long Port Vila.

Director General blong Ministry blong Internal Affairs, Cherol Ala, i talem se grandstand ia, hemi extensen blong left mo raet wing mo tu long foret blong hem blong redi from 40 yia Independence Anniversary we bae i stap long Independence Park.

“Opening blong niufala cement road we i stap long Independence Park mo i ko tru long Ecole Colardo hemi wan kilometer rod, mo hemi cost VT15 million,” hem i talem.

“Mo hemi konfemesen we i kam long ol official insaed long Ministry blong Infrastructure mo Public Utilities.”

Paramount Jif blong Ifira aelan, Jif Mantoi Kalsakau Kalsakau 3, i nemem smol street ia Mau Koro Street mo nemem Independence Grandstand Marae Kanakea.

Prime Minister blong Vanuatu, Bob Loughman, i performem wan custom seremoni i ko long Paramount Jif blong Ifira aelan from opening blong extensen blong Independence Grandstand mo niufala rod long Port Vila.