Igat jans blong wan saeklon i tekem ples ino longtaem long manis ya.
Vanuatu Meteorolgy mo Geo-Hazard Dipatmen i putumaot finis wan eli woning blong lou presa.
Weta Fokasta long Meteo Ofis, Ellen Luke i talem se low presa ia hemi stat long Mande wik ya.
“Lo Mande mo Tusdei yumi gat lou to (kasem) moderet,” hemi talem.
“Lou to moderet ya yumi sta talem se 40 to 60%, o lou to midel janses blo lou presa ya i save divelop i kam wan depression o tropikol saeklon.
“At the moment yumi sta lukluk eria blo win we i tanem lo wan kona, mo yumi gat wan o tu lou presa sistem.
“Location emi stap further not-is o not blo Vanuatu, o further not-is blo Solomon Islands.”
Hemi talem se lo presa i save kam insaed long kaontri long Mande o Tusdei nekis wik, folem 5-day outluk blong dipatmen.
Saeklon sisen blong Vanuatu bai i stat yet long manis blong Novemba kasem long April.
Mbe hemia i save fom aotside long sesen ia.
Vanuatu i bin gat sam saeklon we i hapin long Oktoba long narafala yia. Tropikal saeklon Xavier, hemi wan kategori fo saeklon we hemi i bin kam klosap long Vanuatu mo Solomon Aelan long Oktoba 2006 mo tropikal saeklon Lusi (kategori tu) i bin kam klosap long Port Vila long Oktoba 1997.
“Saeklon hemi save hapen aot lo sisen,” Ms Luke i talem.
“Wetem ol win lo difren level igo antap tu sapos se, yumi luk se hemi no strong blo disturbem divelopmen blo lou presa ya, ba yumi se lou presa hemi gat janis blo save divelop.
“Lo saed blo sea surface temperature (hot blong solwota), yumi lo sentrol i go antap i wom plante finis. 26 (dikri selsies) igo antap.
Ms Luke i talem se yumi gat ol klaod i kam tugeta, mo eria blong win we lou presa emi bin divelop lem.
“Ol cloud kondison ya, taem emi kam plante, emi save divelopem lou presa ya.”
Ms Luke i talem se ofis bambai i gohed blong lukluk long lo presa ya, sapos hemi save kam wan saeklon.
Hemi talem se bifo, i gat ol saeklon we oli bin fom aotsaed long saeklon sisen
Vanuatu Meteorology mo Geo-hazad Dipatmen i advaesem ol pipol, blong folem ol woning oltaem, mo priperem olgeta blong sta sef sapos i kam wan saeklon.
