Ministri blong Healt hemi talem aot seh i kat sam keis blong diarrhea o sik blong sitsit wota i stap inkris folem ripot blong helt araon long kaontri.
Ministri blong Helt hemi stap rimaedem jenerol pablik blong aplaem ol priventiv mesa blong no save kasem sitsit wota
Ol ki priventiv mesa oli olsem dring wota long wan klin sos mo boilem wota bifo dring, kipim haos mo toilet i klin oltaem mo wasem gud han wetem sop mo wota, afta long toilet o tajem toti mo animol mo wasem gud han tu bifo time blong kaikai.
Ministri blong Healt hemi kivim advaes tu long ol mama blong kivim titi long bebe kasem 6 manis blong hem, blong mas kavremap gud kaikai from flae mo mekem sua se ol piknini oli tekem stik meresin, Rotavirus blong protektem olgeta long sik ia sitsit wota.
