Sunday, May 19, 2024
24.7 C
Port-Vila
Sunday, May 19, 2024
More

    Helt sekta long Vanuatu i gat ova 1000 vakansi

    Delegesen blong WHO Pasifik Rejinol Ofis. Foto: VBTC

    Vanuatu i gat ova 1000 vakansi long ol impoten post insaed long ol helt faciliti i stap yet.

    Hemia wan bigfala jalenj we Wol Helt Okanaesesen mo Ministri blong Helt i diskasem long wan miting long Wenisdei.

    Helt sekta long Vanuatu tru long Ministri blong Helt i risivim tedei wan delegesen blong WHO long wik ia. Hemi wan teknikol advisori grup long western Pasifik Rejinol Ofis blong WHO.

    Anda long United Nations global initiative blong Universal Helt Coverage (UHC) we Vanuatu i pat long hem tu we hemi blong mekem sua everiman i kasem gud kualiti helt seves witaot eni finansol hardsip.

    Olgeta delegates ia oli kam blong kontaktem wan internal mo external survey blong identifyem ol helt prioriti mo help blong setem sam direksen blong advansem progres long helt seves long Vanuatu.

    Hemia blong mekem sua qualiti blong helt seves long Vanuatu i inlaen wetem ol visen blong univesol helt coverage blong United Nations.

    Long ol diskasen we i kamaot tedei wetem ol WHO delegates i lukim sam long ol bigfala jalenj olgeta Direkta blong Helt oli outlinem we i stap afektem helt deliveri seves long Vanuatu.

    Ol bigfala jalens we i stap hemi lack blong ol kwalifi helt woka we i lukim i kat ova 1000 vakansi long ol impoten post insaed long ol helt faciliti i stap yet.

    Isu blong konektiviti folem nomo Vanuatu hemi wan archipelago we i konsis long 83 aelan we i stap wan wan.

    Narawan hemi poor finansol trasaksen sistem blong mekem sua ol mani we i stap kam in i save ko direktly long ol prioriti helt seves eria mo ol outdated helt faciliti we i nidim new design.

    Ol delegates ia wetem helt tim blong MOH oli visitim tedei sam long ol helt faciliti raon long Port Vila mo raon long Efate.

    Hemia blong kontinu long resej mo karem ol prioriti need we ol helt senta ia i kat.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen