Van Graduate Recruitment Agency i invaetem ol graduate we oli kat pepa blong rijista blong oli save faenem wok blong olgeta.

Toktok ia i kamaot long tufala Co-Manager blong Van Graduate Recruitment Agency, Leye Aurelien mo Malesu Ernest long wik ia long VBTC platform blong Radio Vanuatu.

“Kavman hemi spendem tumas mani long scholarship mo even ol parents tu; Taem wan yangfala i ko vinis skul bae hemi olsem wan tank we wota i stap ron aot long hem, wan risos, yumi storem gud vinis i stap, yumi redi blong yumi drink blong i laef mbe yumi no yusum so hemia i discripem wan yangfala we i ko skul koko i kambak i stap i no wok. Mbe yumi kam blong sastanem human risos blong yumi we yumi produsum amas yia i pas. Yumi givim akses long olgeta long employment market, ” Manager blong Van Graduate Recruiment Agency, Leye Aurelien i talemaot.

Mr Ernest i talem shout aot long evri graduate.

“Yu vinisim skul blong yu, yu graduate wetem wan pepa blong yu, yu no give ap; Ofis blong mifala i stap long Port Vila nomo. Yu save kam tekem wan rijista form yu fulum ap nomo kam sakem. Hemi wok blong mifala ia nao blong salem yu long ol kampani blong oli sapos oli interest ten yu save wok,” Mr Ernest i talemaot.

“Yet hemi wan vision blong yumi tu long agency blong yumi stap long wan kaontri blong yumi nomo luk ol unemployed graduate. Wetem wanem we kavman i stap mekem ia long Labour Mobility, i nid blong yumi lokolisem economi blong yumi bakegen tru long ol pipol we oli kat ol pepa, karem pepa yu, yu no ko long Recognised Seasonal Employer(RSE) Scheme from hemia hemi ol plan B, mbe fes wan yu mas tinktink long economi blong yu fastaem. Wanem Recognised Seasonal Employer mo Seasonal Employer Scheme(SWP) i stap mekem naoia hemi gud mbe i kat ol longtaem consequences blong hem we bae yumi save luk long 10-15 yia olsem. No tinkbaot tumas blong ko mekem mani aotsaed o wanem, tinkbaot kaontri blong yu fastaem bifo yu tinktink blong ko lukaotem wan wok aotsaed.

Van Graduate Recruitment Agency i bin faenem wok blong 20 graduates vinis.

“Mifala i experiencem from mifala i salem aot ol graduates we oli kat Masters ariap bifo ol certificate,” Mr Leye i talem.

Naoia agency ia i wok plante wetem Private Sector mo Non-Government Organisation(NGO).

“Kriation blong agency hemi kam tru long sam experience we mitufala yet i experiencem taem mitufala i vinisim bachelor, Mitufala ol master graduate blong National University. Taem we mitufala i bin vinisim bachelor semak olsem ol nara graduate, mitufala i bin faenem i had tu blong faenem wok, hemi wan risen from wanem mitufala i mas ko hed long masters blong mitufala blong mekem se mitufala i stap long level olsem ia. Tinktink blong kriatem agency hemi blong solvem problem we mitufala tu i bin liv mo fesem semak olsem ol nara wan blong faenem wok. Ale tru long wan trening we UNDP(United Nations Development Program) hemi sponsarem long National University wetem asistens blong Incubator V Lab long taem COVID we kavman i stap traem blong tanem fokas blong ol lokol i onem economic blong trenem olgeta we oli wantem statem bisnis mo oli bin trenem mifala ia nao mo kam ap wetem bisnis agency we i stap.” Mr Leye i talem.

Mr Aurelien i askem sapot blong ol kampani.

“Private sekta i mas wok wetem mifala, i tru se samtaem mifala i no rijistarem ol graudate we bae oli mitim ol criteria mbe wetem ol experience we oli gat long wok bae oli helpem ol niu fresh graduate ia blong sherem experience,” Hemi talem.

“Yumi tagetem private sekta nomo naoia mo yumi no wok yet wetem Public sekta we boss blong hem hemi Public Service Commission. So yumi dil wetem ol unemploy graduate, yumi act olsem wan intermidiate nomo bitwin olgeta, yumi ofarem tu opsen long ol graduates blong yumi wan, bifo mitufala i setem ap agency mitufala i bin mekem 2-3 manis research blong faenem aot wanem ol problem we ol graduates i stap fesem long field taem oli karem pepa mo ko ko askem wok oli faenem i hard, for exampol hao blong raetem wan curriculum vitae o wok we bae hemi ko mekem hemi nogat background long hem, so yumi faenem jalenj mo putum ol solution blong hemia ia nao i stap insaed long wanem hao wan graduate i kam rigista wetem yumi mo hemi aksesem i nao.

“Hemi bigwan mbe mitufala i fokas nao long ol graduate fastaem from oli kat capasiti ia vinis, blong save wok mo winim vatu. Taem yu kam yu rijista, kat wan smol fi blong rijistarem yufala from later on bae mifala i wokbaot i ko long ol employer blong maketing ol kwalifae person long field we oli stret long hem.

“Yumi kriatem patnaship wetem educational institution olsem APTC long field blong tourism wetem constraksen.”

Mr Leye mo Mr Ernest i askem sapot blong evriwan.