Minista risponsibol blong Referendum, Hon. Johnny Koanapo hemi talem se bae oli saenem sam oda blong Referendum blong bildim ol niu polling stesen long ol area wetem pua akses.
“Mi bilif se afta long amendment blong Bill ia bambae mifala karem sam comments blong yumi blong sanem ol oda ia,” Minista Koanapo hemi talem.
“A lot of places bae yumi putum ol niu polling stesen, bambae ol pipol oli ko vot long hem blong mekem isi akses long olgeta, because this is not a normal election.”
Minista hemi kivim toktok ia folem konsen blong Member blong Palamen blong Santo, Hon. Gaetan Pikioune taem hemi askem Gavman blong finem wan solusen long saed blong pua akses blong polling stesen long ol rural area.
Hon. Pikioune hemi resem konsen ia long taem we oli tablem Bill blong Referendum long Fes Odineri sesen tudei long Tasdei Mei 16th.
“Plante areas blong yumi, ol remote areas, polling stesen hemi no closer then man i mas wokbaot from, man i mas travel from blong ko vot,” hemi talem.
Hemi talem se long area blong Big Bay long Santo, mo long East kasem Saot Santo oli nogat gudfala akses blong kasem polling stesen.
“I gud blong mekem availability blong ol polling stesen oli stap kolosap long ol ples we man save vot.”
Long rispons blong hem, Minista blong Intenol Afeas, Hon. Johnny Koanapo hemi talem se “yumi wantem as much as possible blong evri pipol oli mas vot.”
“ID hemi registarem yu long wan particular area council o polling stesen, but this time, anywhere we yu stap long hem bae yu save vot.
“Yumi tekem into consideresen ol pipol blong yumi we stap ovaseas, yumi kat roughly 10,000 citizens we stap long Australia.
“Olgeta no nid blong evri wan i applae from proxy, although sapos oli wantem aplae from proxy, hemi remain available.
“Otherwise, bae oli vot long ol polling stesen designated by order.”
