Thursday, June 13, 2024
24.8 C
Port-Vila
Thursday, June 13, 2024
More

    Flood i afektem bisnis-Tanauta

    Wan local bisnisman long Lenakel Black Man town, Tanauta i talem se hemi nidim ova 10 million blong save openem bak tufala shop blong hem we flood i afektem long taem blong Saeklon.

    Pita Yakun blong Saot Tanauta i ownem tri sto mo mekem bisnis bong 8 yia i talem long VBTC Nius se flood long Saeklon Judy i afektem ol goods we hemi worth ova 10 million.

    Tufala shop we wota i fulap long hem, wan hemi wan Wholesale wetem Stationary mo nara wan hemi wan Hardware.

    “Wota hemi kam insaed long sto(1 mita olsem) so hemi spoilem ol goods we i stap long flo. “Ol goods ia hemi ol biscuit, ol tin, sugar, stationary olsem ol buk, wota i ko kasem long nara stoa tu we hemi Hardware, mo wota i fulap long ol nail mo grasscutter,” Mr Yakun i talem.

    “VT10 million plus sapos mifala i kat bae mifala i save opereit nomol bakegen mbe sapos i nogat bae hemi hard.

    “Ol wud i kam wetem wota mbe oli stap aotsaed. Graon yufala stap pas ia hemi hae from team saeklon kam mi bin sarem gate i mekem se wota nomo i kam insaed.

    Mr Yakun i talem se 20 lokol i wok long tufala shop ia mbe naoia oli nosave wok yet.

    “Sto blong Wholesale wetem Stationary i no open blong ova tu wik nao; Hardware nomo yumi openem blong salem aot ol nail we i roten mbe yu save yumi mas mekem praes blong ol samting i low nomo from pipol i save pem,” Mr Yakun i talem.

    “Kasem tedei i nogat wan help yet i kam yet mbe naoia hemi taem blong bildim ol strong haos we hemi hae. Fes ples taem mifala i stap bild, mifala i sud kasem toksave se ples ia hemi ples blong wota mbe mifala i no kasem eni toksave i mekem se ol bidling i low nomo mo naoia wota i wan problem.

    Nara sto blong Mr Yakun hemi wan Wholesale mo ples blong kakae.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen