I kat sam international flaet hemi kansel folem aktiviti blong Volcano long Ambae.
VBTC Nius hemi karem konfemesen se Fiji Airways i bin kanselem ol travel blong hem yestete(Wednesday) i kam long kaontri from volcano.
Mo afta long we oli karem clariti long situesen we i stap i lukim se bai flaet i kambak long kaontri long tete 6pm.
National Airline, Air Vanuatu, hemi kanselem tu sam domestik flaet blong hem i ko long Santo kasem Satete aftanun from Volcano.
VBTC i awea se i kat sam stranded citizen ovasi oli wantem kamback long koantri, mo olgeta we oli stap travel aot.
Long Infomesen blong Geo-hazards ofis i kat olgeta protokol we ol airline mo Civil aviation hemi folem blong advaes long olgeta flaet, folem ol infomesen we weta ofis i kivim long saet blong volcanic activiti
VBTC Nius hemi traem blong karem sam nara infomesen long Civil aviation tete moning mbe hemi no posibol.
VBTC Nius bai hemi folem ap long hem mo apdeit long nekis buletin blong nius.
Aktiviti blong volcano long Ambae hemi kontinu long level blong meja anres mo volcanic alet level blong hem i stap yet long alet level 2.
Long 7:45am camera long Saratamata, Ambae, hemi tekem wan klaod blong stim/asis blong volkeno wei i ko hae antap kasem 5401.48m mo win hemi blow long hem i ko long ist/saot ist pat blong aelan.
I kat Salfa Dioxide gas (SO2 gas) tu hemi kam aot long volcano we hemi save mekem konkon ren.
