Flaet blong lukluk long eria we Tropikol Saeklon Lola i spolem, i tekem ples long yestete.
Australia, France mo New Zealand i mekem aerial damej asesmen ia.
Praem minista, Hon Charlot Salwai Tabimasmas mo sam long olgeta stet minista i joen wetem Hae Komisina blong Australia long Vanuatu Heidi Bootle, Vanuatu Police Force, mo National Disaster Management Office oli mekem wan visit iko long noten pat blong kantri.
Taem oli folem C-27 Royal Ostralia Aafos blong go mekem aeriel surveillance.
Long toktok blong hem afta we oli kasem bak Port Vila intansonal eapot yestede Hon Salwai i talem long VBTC nius se i gat plante damej we ex-TC Lola i leko i stap.
Emi talem tankiu iko long Ostralia kavman blong save lidim aerial surveillance long olketa aelan we oli bin afekted espesiali Ambrym, Pentecost mo Maewo mo apat long trifala aelan i kat tu saot blong Malekula.
Afta long foto we oli karem mbae i kat graon asesmen i tekem ples.
Hon Salwai i talem tu se i bin kat wan kaonsel blong ol ministas i bin staon vinis long wik ia blong askem President blong Vanuatu blong mekem sted blong imenjensi iko long ol aelan afekted.
Hae Komisina blong Australia i talem se hemi hapi tumas blo i go wetem Hon Praem Minista blong lukim ol damej ia.
Hemi talem se hemi ting se hemi wan productive aftanun.
France mo New Zealand i mekem sam flaet long yestete tu.
France mo Australia mo New Zealand i gat wan patnasip blong providem sapot long ol Pacific aelan long taem i gat wan natural disasta. Nem blong patnasip hemi FRANZ agrimen.
