Australia i stanap redi wetem Vanuatu blong faetem Climate Change.
Minista blong International Development Mo Pacific long Australia, Honoroble Pat Conroy i talem toktok ia long wan Exclusive Interview wetem VBTC long Friday.
“Mifala i elek long wan platform blong strong climate aksen long domestik mo global effort; so domestik mifala i komit blong kasem 82% renewable energy long 2030 blong katem daon greenhouse emission long 43% long 2030 mo zero emission long 2050,” Minista Conroy i talem.
“Mifala i pasem national climate loa long las yia(2022). Mo tu wik i pas, mifala i pasem wan mechanism blong katem daon polusen, mo mi konfiden se bae mifala i kasem ol target ia, olsem pat blong global wok blong faetem climate change, mbe impoten nao hemi mifala i pat long ol global effort so mifala i glad tumas blong co- sponsarem resolution we Vanuatu i lidim i ko long International Court blong Justice long climate mi tink stand blong Vanuatu mo international komuniti i neva hae. mo mifala i priviledge blong sapotem mo tu secure sapot blong hostem UN climate conferens long pacific long COP31 long 2026, mifala i tink se hemi wan excellent wei blong droem atensen blong wol blong luk wanem i stap hapen long pacific. Mo sori blong talem se according long Wol Bank Vanuatu hemi wan kaontri we moa disasta i kasem mo Australia i stanap redi blong combatem(faetem) climate change. Hemia hemi pat long wan global aksen long hem ia blong sapotem Vanuatu.”
Minista Conroy i talem se climate change i nambawan security threat long Pacific.
Australia hemi wan bigfala expota blong fossil fuel mo Minista Conroy i talem se oli stap wok hard blong stopem.
“Mi andastanem konsen blong ol pipol long hem ia mo long wei we United Nations system i tritim green house gas emisen, hemi wok blong wan kaontri blong weta ol rabis gas ia i hapen blong katem daon mo hemia nao hemi komitmen blong Australia blong zero emisen hemi rili impoten blong ajivim 82% renewable energy long 2030 mo hemia i stap kamaot long wan low beis blong ova 20% mbe tinkbaot se long seven yia taem 8/10 kilowatt blong elektrisiti i stap kamaot long Australia bae hemi klon carbon renewable energy; So hemia nao komitmen blong mifala,” Minista Conroy i talem.
“So mifala i tink se UN Climate Conferens bae hemi wan gudfala wei blong soem long Wol wanem we i stap hapen long Pacific mo Australia i wantem pat long hem.
Minista Conroy i talem se niu kavman blong Australia i stap 11 manis nao mo hemi niu nomo.
