Saturday, July 13, 2024
24.8 C
Port-Vila
Saturday, July 13, 2024
More

    Emae i kat ol niu futbol equipmen

    Emae Futbol Lik i kasem ol niu spot tul blong plei long eli January.

    Vanuatu Futbol Federesen Sekretari Generol, Albert Manaroto, i mekem handing ova blong ol spot equipmen ia i ko long Emae Futbol Lik.

    Olgeta equipmen ia i kat tu goal post, 11 pips i ko long fo futbol club blong Emae Lik mo tri futbol.

    “Ol donesen we i ko daon i folem rikwes blong Emae Futbol Lik Presiden, risen bihaen i from ol goal post blong futbol i roten folem damej blong Saeklon Pam mo i nidim riplesmen,” Mr Manaroto i talem.

    “Donesen ia hemi ol personal kontribusen blong mi olsem wan pikinini blong Emae blong kivim bak long komuniti.”

    Mr Manaroto i talem se mein visen blong futbol hemi blong growem yut patisipesen tru long ol futbol developmen program.

    “Lokol konten blong yumi i sud hapen long capasiti we yumi kat, mo i kat blong mekem i hapen,” Mr Manaroto i talem.

    Hemi jes mata blong luksave opotuniti ia mo tekem initiativ blong tekem fes step, mi biliv se sapos yu tekem fes step bai narafala wan i folem.

    Presiden blong Emae Futbol Lik, Kalkot Tabanga, i talem bigfala tankiu long sapot.

    Hemi talem tok tankiu i ko tu long Tevita Matariki we hem nao i help blong givhan long ol futbol post.

    Ol spot equipmen ia bae i statem off niu yia 2022 blong futbol long aelan ia.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen