Friday, February 23, 2024
25.8 C
Port-Vila
Friday, February 23, 2024
More

    East Epi andawota volcano i muvmuv

    Eli moning tete ol lokol long Epi oli ripotem se i kat inkris long aktiviti blong Submarine volkeno bitwin Epi mo Lopevi.

    East Epi Sabmarin volkenu i inkrisim alet level blong hem i ko long Alert Level 1.

    Timothy Andre, Eria Secretary blong Saot Epi, i talem se oli harem graon i muvmuv mo hemia i i hapen araon long 5o’klok long eli moning.

    “I no longwe tumas, bae hemi kolosap 1 kilomia olsem long shoa,” Mr Andre i talem.

    “Pipol i harem noise blong hem, mo mifala i tink se volcano blong Lopevi. Taem ol man i ko aotsaed blong lukluk mbe oli sek se hemi volcano daon long solwota. Smoke i kavemap solwota. Hemi wan interesting samting we pipol i luk mo plante oli fraet.”

    Mr Andre i talem se naoia oli wet nomo long ol toksave blong wanem nao bae oli mekem.

    Pipol long Epi, Tongoa mo ol nara aelan kolosap oli advaes blong no ko kolosap long volkeno from ol explosen ia mo i stap mekem wave long solwota.

    Geo-Hazards Depatmen hemi talem se i kat ol Sulphur Dioxide we i stap kamaot long ol explosen ia. Mo ol i sakem ash long araon 100 mita hae.

    Eria Administrata long Varsu, Epi we hemi stap long Port Vila naoia i talem se hemi stap long Meteo Ofis blong tekem infomesen blong advaesem pipol.

    Geo-Hazards hemi talem se bai oli advaes long eni apdeit aktiviti.

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen