Sunday, July 14, 2024
25.8 C
Port-Vila
Sunday, July 14, 2024
More

    E gat janis blong La Nina long yia ya- Septemba

    Vanuatu Meteorology mo Geo-Hazards Departmen emi putem aot wan La Nina waj long manis ia.

    Emia i meanem se kaontri emi stap luk fowod long wan longfala taem blong ren.

    Climate division team long Vanuatu Meteorology mo Geo-Hazards Department wetem sapot blong Australia Bureau of Meteorology nao i putemaot La Nina waj long wik ia.

    Hemi i meanem se i kat posibilitimblong kaontri i kat wan La Nina long yia ia, weh i minim seh kaontri emi stap luk fowod blong gat wan longfala taem blong ren.

    Hemi minim tu se kaontri i saveh kasem ol renfol weh i bitim nomol wet sisen blong kaontri.

    Ripot i soem seh i kat sam saen finis long solwota blong Pacific Ocean mo i kat sam saen long atmosfia antap weh i sowem se i moa laekli blong kaontri i kat wan La Nina long yia ia.

    Dr. Robson Tigona wan Climatologist mo samtaem lekja long National University blong Vanuatu, i talem se i kat ol saen weh i kamoat finis weh i prediktem La Nina o longfala taem blong ren long yia ia.

    Beh prediksen blong La Nina ia emi saveh kam klia nomo long manis blong Septemba yia ia.

    “Afta neks manis, prediksen blong La Nina, bae jes kam klia nao se bae gat wan La Nina o nogat, be naoia yumi stap long wan La Nina waj, i minim se i gat sam smol smol saen se bae gat wan La Nina

    “Afta, long nekis manis, bae yumi save lukim se colcol solwora ya lo central pasifik kasem South America hemi stap kro o nokat, sapos hemi stap kro mo hem stap kam bigwan, mo yumi save talem se bae hemi gat wan La Nina long yia, be bae hemia bae save kam aot long Septemba, stret prediksen blong hemia bae kam aot long Septemba.

    Mr. Tigona i talem se noaia kaontri emi stap long nomol drae mo windi sesen blong hem, mo i posibol blong i kat smol smol ren iet.

    “Even though yumi stap long drae sisen, yumi stap lukim smol smol ren yet, be long August mo Septemba ya nao, bae ren hemi drop plante, so yumi long Vanuatu we yumi stap rely long Ren wota, yumi mas sevem gud wota, from August mo Septemba bae ren hemi drop bigwan, bae ol ples oli drae bigwan, and then long Septemba bae yumi lukim se bae gat wan La Nina or no.”

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen