Wok blong klinim drainage long rod i ko long Bauerfield airport i wan prioriti naoia blong i kat dry runway blong ol Emergency flaet i save land wetem ol relief saplae.

Fes Politikol Advisor long Ministry blong Infrastructure mo Public Utilities, Harrison Toar Luen i talemaot long VBTC Nius tete moning.

“Long kes blong airport, i nid blong kat ol emergency flaet blong kam in kwik wetem ol relief saplae mbe drainage long airport i fulap. So i kat few ples nomo we wota i kamaot long hem, i kat en long airport longwe, mo evri wota long ples ia bae i kamaoat i ko long en blong Tagabe riva; Outlet blong drainage ia i stap andaneath ia, so branch blong wod i fas, ol boy i mas klin mo taem JCB i kam bae i help blong yumi klin blong ol rabis wota ia i save flo gud,” Mr Luen i talemaot.

“Hemia hemi wan bigfala wok so mifala i nidim masin blong helpem mifala blong pikimap ol branch blong ol tri. Mifala i stakem fastaem ale ples i dry pa yumi tekem aot. So bae i tekem 3-4 haoa blong ol wota ia i save ko daon. Yumi stap toktok wota i stap ko mbe i slo so yumi wantaem mekem flo blong wota i kamaot.

“Ol exit point blong wota ia nao Shefa Public Works Dipatmen i faenem ol drainage blong klinim. So eni wan we i luk ol drainage we i fulap, tekem taem blong klinim from hemi blong gud blong evriwan.

“Naoia yumi stap toktok i kat ol boy we oli stap raon long Efate, oli bin wok vinis long saeklon Judy blong mekem sua se i kat akses long rod long pipol.

“Wota long runway, eria airport i wan flood eria, evri wota i kam hill kam daon so bigfala projek stap wok lem hemi blong openem ap ples ia, kriatem wan bigfala system blong save akomodatem ol wota, hemi wan kost exercise mbe hop plan kavman to secure a fund a box culvert, linem ap here blong holem taet wota.

“Nosave stap wet, pa yumi mas ko hed wok blong i kat wan dry runway long airport.”