Sunday, April 14, 2024
24.8 C
Port-Vila
Sunday, April 14, 2024
More

    Digicel Vanuatu i saenem patnasip akrimen wetem Vanuatu Rugby Lik

    Niufala patnasip akrimen bae hemi help blong sapotem mo krowem rugby lik long Vanuatu.

    Digicel Vanuatu mo Vanuatu Rugby Lik i anaonsem long Wednisdei wik ia wan 3-yia patnasip akrimen blong tufala long het ofis blong Digicel long Ellouk.

    Hemia i minim se Digicel Vanuatu i kam ofisol sponsa blong Vanuatu Rugby Lik 9’s kids tunamen we hemi Vanuatu premia rugby lik kompetisen.

    Mani we Digicel Vanuatu i kivim hemi 1.5 milien vatu mo 1 milien vatu bakeken olsem pat blong sapot we i mekem wan totol blong 2.5 milien vatu blong 3-yia patnasip akrimen ia.

    Long taem blong saening akrimen ia, Digicel Vanuatu CEO, Mr Yaser Maher i talem se Digicel hemi kamaut blong helpem olgeta sport we oli no karem inaf sapot blong ranem olgeta prokram mo aktiviti blong olgeta.

    “Mo narafala mein samting hemi blong enkarejem evri woman long sports, mifala i kam insait finis mo kivim sapot long Vanuatu cricket, naoia rugby mo nekis wan we bae mifala i kivim sapos tu Iiko long hem, hemi Vanuatu bidj volibol,” Mr Maher i talem.

    Digicel CEO i poentemaut se olgeta i wantem lukluk moa long sport blong olgeta woman, from plante sapot hemi beis moa long futbol blong olgeta man.

    Secretary-General blong Vanuatu Rugby Lik, So’oletaua Motuliki, i talem se Digicel hemi wan long olgeta pikfala kampani we hemi sapotem pikwan ol sports mo tu olgeta divelopmen blong kaontry ia.

    “Mifala i askem 300,000 vatu we bae hemi las blong 1 yia nomo, be olgeta (Digicel) hemi kam blong kivim long olgeta 1.5 milien vatu blong 3-yia taem,” hemi talem.

    “Hemi wan pikfala mani tumas we iven mifala i no save mekem long wan yia.”

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen