Tuesday, April 16, 2024
26.3 C
Port-Vila
Tuesday, April 16, 2024
More

    Delta variant i nogat long Vanuatu

    Health i sakem aot ol toktok se i gat Delta variant long kaontri.

    Acting Director blong Pablik Helt, Dr Jenny Stephens i talem se hemia hemi ol misinfomesen we pablik i stap talem be hemi no tru.

    Hemi talem se sapos i gat wan new variant long kaontri bai ministri nao i sud save feswan.

    “Mo hemia from blong faenem aot wanem type variant, yumi mas sendem test sample i ko long wan lab long Melbourne, Australia blong oli konfemem,”Dr Stephens i talem.

    “Be kasem naoia, wetem ol test sample we oli stap sendem i ko, i nokat eni konfemen yet long Delta long Vanuatu.

    Ol health otoriti i stap wok blong faenem se strong flu we i stap ko raon hemi nomol o hemi seken wave blong COVID.

    VBTC Nius i kasem infomasen long Vila Central Hospital se fulap long ol pipol we oli ko pas long Emergency long wiken oli COVID negativ.

    Ministry i advaesem se ol pipol we oli kasem ol flu ia blong mas ko mekem COVID test mo pas kwik taem long ol health senta kolosap long olgeta.

    Health i advaes blong ol pipol i kasem flu oli mas stap kwaet long aos kasem taem oli harem gud blong save wokbaot.

    COVID variant type we i stap naoia long kaontri hemi omicron.

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen