Namba blong ol ded long Non-Communicable Disis hemi hae long 70 -75%.
Fika ia i kamaot long sik suga mo high blood presa.
Non-Communicable Disease Ofisa, Nurse Praktisina, John Taserei i talem se hemi wan hae namba we i sud wekem ap pipol.
“Hemi soem se 20% blong populasen long taem ia we oli survey long 2011-2012 oli kat sik suga; 31% oli kat hae blad presa mo 40-41 % oli gat gris insaed long bald blong olgeta,” Mr Taserei i talemaot.
“Fes sik hemi sik suga, afta ol sik blong heart we hemi blad presa we yumi faenem. Yumi kat tu cancer we yumi faenem we hemi sik blong lung taem man i sik lelbet.”
Wan mama we i stap salem kakae long Port Vila Maket, Anias Erick i talem se hemi had blong kakae helti kakae tete.
“VT10,000 kasem VT15,000 mani ia i smol, mifala long wan dei mifala i winim VT20,000 olsem be taem mifala i kaontem mani ia, mifala i glad lem, mani ia bae i ko vinis long sto nomo. Ol kakae olsem noodles, rice, mo chicken evri kakae ia bae mifala i tekem i ko long haos,” Mrs Erick i talemaot.
James Kapaken blong Tanna i talem se bifo oli kakae lokol kakae nomo from oli nogat mani.
“Naoia pipol i wok had mo mekem mani afta oli ko pem ol kakae long sto,” Mr Kapaken i talemaot.
Mr Taserei i talem se hae namba blong sugar long alcohol, tobako wetem kava i mekem man i sik mo ded.
Hemi talem se pipol i sud kakae smol rice mo plante vegetable blong help katem daon namba blong ded we i kamaot long sik suga mo hae blad presa.
