Friday, February 23, 2024
26.8 C
Port-Vila
Friday, February 23, 2024
More

    Ded-Leptospirosis

    Folem inkris kes blong sik Leptospirosis, Lolowai Hospital long Ambae i rikodem wan moa ded.

    Penama Public Health Manager, Markson Tabi i konfemem ded ia we i hapen long las wik we i rileit long sik Leptospirosis.

    Mr Tabi i talem se i kat araon 10 aktiv kes naoia mo ol kes ia i kamaot long trifala aelan blong Pentecost, Ambae mo Maewo.

    Hemi talem se oli stap investiketem yet paten blong kes ia from oli luk se hemi no folem fasin blong spread blong hem.

    Ministry blong Health i konfemem naoia se i kat six ded from Leptospirosis long 2023.

    Ripot blong eight niu kes hemi aktiv naoia sins long March, tri long Santo, tri long Malekula, 1 long Ambae mo Maewo.

    Sins January 2023, 51 Leptospirosis kes i  rikod, 45 laboratori konfem mo six clinal diagnosed kes. Twenty -six long Santo, 11 long Efate, seven long Malekula, fo long Ambae, wan long Malo mo Pentecost.

    Health i talem se ol kes ia i ripot afta long 387 leptospirosis test we i hapen long Noten District Hospital mo Vila Central Hospital wetem risal we i soem 45 positiv mo 342 negativ long 2023.

    Ol eria we i kat ol kes ia long hem hemi Chapuis, Banban, Sharkbay and Balon eria long Santo. Teouma, Salili, Prima, Ekipe, Epule, Anamburu, Eratap mo Epau long Efate. Limap, Lamap, Aulua, Unmet
    and Metkun in Malekula. Lolovenue, Lovuintogohui, Lovuitavoa, mo Vuiberuku long ol eria long Ambae.

    Long March 23 kasem 30 ia, ripot blong eight niu kes hemi aktiv naoia sins long March, tri long Santo, tri long Malekula, 1 long Ambae mo Maewo.

    Leptospirosis hemi wan bacterial disis we i kamaot long pispis blong ol infek animol espeseli rat mbe dog mo ol nara farm animal. Mo sapos i nogat tritmen, leptospirosis sik i save lid i ko long kidney damej, meningitis(inflammation blong membrane raon long brain mo spinal cod), liva felia, respiratory distress mo even ded long ol pipol.

     

     

     

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen