Ol helt senta raon long Vanuatu bae oli nomo kivim aot ol vaksin blong Covid-19 stat long wik ya.

Hemi folem wan disisen we hemi kam aot long Nasonal Immunaesesen Komiti (NIC) miting weh hemi hapen long September namba 20.

Ministri blong Helt hemi putum wan temporari saspensen blong ol Covid-19 vaksin kasem oli karem niufala saplae.

Ol las stok blong Covid-19 vaksin bae hemi expae everiwan stat long wik ya Tasdei 28 Septemba.

Wetem stop blong vaksin blong Covid-19 bae hemi mekem i hard blong pipol weh oli nidim long oli travel ko long sam kauntri.

Ministri hemi stap wok naoia blong tekem moa Covid-19 vaksin ikam long kaontri.

Ministri blong Helt hemi stap advaesm pablik blong kohed praktisem gudfla hygene oltaem.

Truaot long Vanuatu 12,019 konfem kes blong Covid-19 mo ikat 14 weh i ded.