Tuesday, April 16, 2024
24.8 C
Port-Vila
Tuesday, April 16, 2024
More

    Chiko farm i lukim diklaen long egg prodaksen

    Wan bigfala saplaea blong egg blong faol long Vanuatu i stat blong lukim wan diklaen long egg prodaksen blong hem.

    Kenneth Thode, Ona blong Chiko Farm, i talem se hemi spendem bigfala mani long wan charter flaet blong Kavman i go long New Zealand long manis May, mbe saplae we hemi expektem i no bin kam in.

    Hem i talem se wan bigfala bilding we hem i bildim blong ol imported chick we hem i cost araon VT 15 million i empti gud naoia i stap.

    “Risen we yumi nokat ol chicks long ples ia hemi from COVID-19, mbe yumi manej blong arenjem wan jata flaet wetem Air Vanuatu blong ko long New Zealand mo pikim ap ol yang chick mo fertile egg,” Mr Thode i talem.

    Hem i talem se mbe hem i no save wai everi chicks blong Chicko mo Livestock Department oli no bin kam in long Air Vanuatu aircraft ia.

    “Kasem tete Air Vanuatu i no kivim wan risen wai ol chicks ia oli no bin save ko long plen mo hem ia hem i wan isiu. Naoia we building hem i empti, egg prodaksen i stap ko daon,” hem i talem.

    Director blong Department blong Livestock, Lonny Bong, i talem se Department blong Livestock i bin afek bigwan tu long flaet ia from saplae blong faol blong hem i kam long New Zealand i no kasem destinesen blong hem.

    Hem i kwestenem yet se who ia bambae i kivim bak mani we oli bin spendem.

    “Hem i so unfojunet we Department blong Livestock wetem Chiko Farm, tufala i lusum bigfala mani long saet blong impoteisen blong ol chicks long New Zealand,” Director Bong i talem.

    Hem i talem se Livestock Department i bin pem ova long 2500 chicks we oli sud kam in mo Chiko Farm hem i bin pem 8000 chicks. Mbe Air Vanuatu i no bin save loadem ol chicks long wan spesel flaet blong hem we i ko long New Zealand long manis May.

    Director Bong i talem se Air Vanuatu i bin talem se i nogat i naf spes long air craft.

    Mbe Air Vanuatu i talem se oli explenem everi samting long ol poultry farm ona we i yusum flaet be ol ona ia oli no folem advaes blong yusum plen.

    Hem i talem se offload we oli mekem long Auckland i folem nomo advaes blong ol ona blong poultry farm long New Zealand.

    Paul Pio, Marketing mo Communication Manager blong Air Vanuatu, i talem se i gat sam misandasting mo confusion long hao Air Vanuatu i operet olsem wan airline mo amas spes i availabol blong tekem in amaon blong ol chicks ia.

    Hem i talem se from hem ia nao i mekem se sam long ol box blong ol chicks ia i no bin kam in.

    “Long day blong operation yumi risivim moa long wanem we aircraft i save tekem onboard,” Mr Pio i talem.

    Ol poultry fama long New Zealand i talem se bae oli no save rifandem bigfala mani we ol lokol poultry farm mo livestock dipatmen i bin kivim.

    Ol New Zealand Poultry fama ia i talem se sapos ol poultry fama blong Vanuatu i wantem saplae bae oli mas mekem nara peimen bageken.

    Air Vanuatu i redi blong kivhan long situesen ia wetem ol flaet we hemi mekem mo ol klaen i mas rispektem ol protokol blong yusum airline.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen