Ol mama long Port Vila market haos oli kat kontrol blong ol CCTV camera long Novemba ia.
Ol camera ia ya bae oli wok 24 haoa mo seven dei long wan wik.
UN Woman Program Coordinator, Betty Toa i talem se sam long ol mama ia oli stap fesem nogud fasin blong steal mo harasmen long ol man evri dei long market mo hemi impoten blong oli kat akses long ol kaen samting olsem camera.
Ms Toa i talem se ol mama long market oli kontribut bigwan i ko long developmen blong Shefa mo long ol wan wan home blong olgeta so hemi impoten blong luk save sefti blong olgeta.
Assisten Secretary General blong Shefa Provincial Government Council, Liah John Kaltoi, i talem se kaen developmen olsem hemi no onli blong sefti pepes mbe hemi blong empowerem ol mama tu long market blong fokas long ol daily bisnis blong olgeta long hom.
Mrs Toa i talem se UN women office long Vanuatu tru long Australian kavman i kam blong putum wan amaon blong Ova VT6 million i ko long ol CCTV camera system ia long Luganville, Marobe mo Port Vila Market Haos.
UN Woman Fiji-Multi Country office anda long Australian kavman i kam blong mekem handing ova blong ol CCTV camera i ko long Port Vila City Council.
By Jamie Brown
