Saturday, May 18, 2024
25.8 C
Port-Vila
Saturday, May 18, 2024
More

    Carpoxylon Macrosperum palm tri

    Research i faenem aot se i kat wan endemic speses blong Palm tri long Tanna mo Aneityum nomo.

    Ofisa blong Forestry Dipatmen, Presly Dovo i toktok wetem VBTC Nius long ol faendings blong team taem oli kolo long Tanna mo Aneityum blong karem out resej ya i no longtaem.

    “Carpoxylon Macrosperum hemi wan endemic(No gat fulap) palm tri we hemi luk olsem wan coconut tri we i grow long 10-12 mita hae; Long Vanuatu yumi save faenem nomo long Tafea Provins blong yumi long ol aelan long Tanna (Not mo Saot) mo Aneityum,” Mr Dovo i talem.

    Hemi talem se psalm tri ya i gro bigwan nao long saot pat blong Vanuatu from i gro best long ol ples we i kat hae sunlaet mo i grow natural taem aelen i form.

    Mr Tovo i talem se ol komuniti oli nosave palm tri ya oli putum presa long hem olsem oli katem daon blong mekem wall mo floa blong haos o oli yusum long saed blong kastom.

    “Ol pipol oli no luksave mo valuem tri ya from nomo se oli nosave impotens blong psalm tri ia ya we i sta ple wan bigfala role(wok) long environmen,” Mr Dovo i talem.

    “Dipatmen blong forestry i wantem pablik i awea long palm tri ya blong yumi save tekem pride i kat nomo long Vanuatu. Mo tu pablik i mas kontinu blong karem seedling blong planem tri ia long ol enviromen blong mekem se yumi no lusum blong save flasem environmen.

    “Wan interesting samting we team e faenem long research long aelan hemi ol palm tri ya mifala faenem nmo long ol tabu eria, wan ples weh pipol i nogat tumas akses long hem.

    Mr Tovo i talem se team i wok wetem sapot blong New York Botanical Garden we hemi wan partnership program blong scientific resej.

    Hemi talem se resej ya i no finis yet mo i kat taem blong oli ko raon long evri aelan long Vanuatu blong oli faenem moa long ol kaen tri olsem.

    By trainee journalist, Patience Mawa.

     

     

     

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen