ATR plen blong Air Vanuatu hemi stap long seves long wik ia from plen i nidim blong jejem wan pat.
Air Vanuatu i talem se airline i gat wan oda long ATR blong hemi mas jenjem prop blade mo part ia hemi kasem finis long Port Vila.
Air Vanuatu hemi talem se ATR plen ino save flae kasem Mandei namba 9 Oktoba taem oli fitim bak part ia.
VBTC hemi understand se wan Twin Otter plen nomo hemi stap mekem ol domestic flaet tete.
Air Vanuatu hemi askem i go long Fiji Airways blong kivim suport folem situation ia be i no posible from olgeta tu i kat fulup flight.
Be oli stap toktok wetem Air New Caledonia blong help long ol flight i go long Noumea we i bin kansel sins yetedei.
Wetem jalens blong Air Vanuatu domestic flights, i lukim ol nara domestic airline oli busy bigwan wetem ol charters flight i go long ol island.
Las manis, Boeing 737 blong Air Vanuatu ino save flae stat long namba 18 kasem namba 27 Septemba from hemi gat technikol problem.
