Sunday, May 19, 2024
24.7 C
Port-Vila
Sunday, May 19, 2024
More

    Asesmen long ol skul-Shefa/Tafea

    Ditel asesmen bae i hapen long skul blong Shefa mo Tafea i prioriti from oli afek bigwan long Saeklon.

    Director blong Polisi mo Planning long Ministri blong Education, Serge Lewawa i talemaot.

    Hemi talem se ol asesmen ia bae i lukluk long Primary, Secondary mo Kindergarden.

    “Ol detail asesmen ia bae i stat tete long ol skul long Port Vila,” Mr Lewawa i talemaot.

    “Mifala i plan blong taem mifala finis wetem ol skul long Port Vila bambae mifala i muv i ko long ol outer aelan blong Shefa,” Mr Lewawa i talemaot.

    “Tafea tu i stap long plan blong mifala blong sendem wan team i ko daon blong karemaot ol ditel assesmen blong ol skul.”

    Hemi talem seh seken priority blong olgeta afta long ol detail assesmen ia hemi blong putum aot wan deit blong ol skul oli save stat long ol nomol operesen blong olgeta bakegen.

    Mr Lewawa i talem se i kat sam long ol skul we oli no afekted bigwan long disasta we i pas olsem olgeta antap long Not blong kaontri mbe prioriti naoia bambae fokas long bigwan festaem long ol skul long Shefa mo Tafea we oli stap olsem ol mos afekted eria folem tufala Saeklon we i pas.

    By Jamie Brown & Faith Buleling.

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen