Sunday, May 19, 2024
29.8 C
Port-Vila
Sunday, May 19, 2024
More

    Araon VT1 billion- Saeklon damej

    Araon VT1 billion bai i ko long bigfala disasta long kaontri tete.

    Minista blong Finance, John Salong i talem long VBTC Nius se hemi 1.5% anual budget blong kavman.

    So far ol saplae we i kam oversea hemi ol non-food item, mbe hemi mostly ol shelter.Bigfala damej we tufala tropikol saeklon Judy mo kevin i lego bihaen long las 5 dei, i kam fes prioriti blong kavman naoia.

    Finance minista, John Salong i talem se ministri i stap wok wetem, Nasenol Disasta Management Ofis blong karemaot ol emejensi rispon long ol eria tru aot long kaontri.

    “So Finance wok blong hem ia nao blong mekem sua se araon VT1 billion hemi redi kwiktaem blong save yus long wok blong National Disaster Committee so nomoli wanem hemi blong komiti ia i preparem ol rispons mo afta bae i save kat ol post disasta nid asesmen mo afta long hem ia yumi ko long reconstraksen.” Minista Salong i talemaot.

    Long wan shot Press confrens long Monday wik ia, current Controller National Emergency Operation Center, Jimmy Naura se ol rilif saplae bai i kasem evri eria we oli afek long tufala saeklon ia.

    “Mi asurem yumi evriwan tru long kavman hemia long National Disaster Management Ofis se bae yumi mekem sua yumi no mestem eniwan; Bae evriwan oli kasem ol nid we oli nidim naoia, “Mr Naura i talemaot.

    Wetem help long ol kavman ovasi, i gat ol asesmen i stap gohed finis mo gat sam rilif saplae i kasem kaontri.

    “Long infomesen blong yumi, yumi kat ol relief saplae we i stap muv vinis i ko long ol aelan blong yumi from oli kam in wetem ol ship blong olgeta, hemia tru long sapot blong ol French patna blong yumi we oli kam in wetem ol Non-Food Item olsem ol wota o shelter,” Mr Naura i talemaot.

    Mr Naura i talem once operesen i gohed gud, bai Dipatmen i kamaot wetem moa infomesen long olgeta disasta rilif saplae we bai i gohed long olgeta afected eria ia.

    By Tiffany Baldwin.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen