Air Vanuatu i saspendem ol flaet long Tanna efektiv tete from fire trak long Tanna airport i no wok.

National airline i talem se oli kasem advaes long Airports Vanuatu Limited(AVL) mo oli talem se oli sendem wan techinician i ko long Tanna tete blong help riperem fire trak ia.

Air Vanuatu i talem se oli stap yusum evritaem bigfala plen, ATR blong flae i ko long Tanna mo i rikwarem fire trak blong i opereit blong plen i save land folem ol sefti standard.

Long steij ia, Air Vanuatu i talem se ol nara smol plen oli save ko long Tanna mbe oli bisi blong mekem seves long ol noten aelan.

National airline i talem se ol guest we oli plan blong travel i ko long Tanna long wik ia bae oli kolem olgeta.