Sunday, April 14, 2024
28.8 C
Port-Vila
Sunday, April 14, 2024
More

    60 turis i kam long aelan blong Torres

    Hemi wan happies taem bakeken long Sandae we ol pipol blong Torres oli kam blong welkamem over 60 turis long beautiful white sanbij blong Loh aelan.

    Ol turis ia oli kasem Torres lo sande samples 8 o’clock long moning long turis bot Heritage Adventurer.

    Heritage Adventure hemi namba 2 cruise ship blong kasem Torres long yia ia.

    Ibin gat wan wan suksesful welkam long ol turis ia taem oli kasem white sanbij blong aelan blong Loh mo Nasara blong jif.

    Chairman blong cruise ship komiti long Loh, David Andrew, i talem long VBTC Nius se ol turis ia oli hapi tumas lo ol welkam mo ol activiti we ol pipol blong Torres oli pefomem.

    “Pipol oli bin glad tumas, ol turis tu oli veri glad lo lukum wanem activiti nao mifala bin performem blo oli kam oli lukim,” hemi talem.

    “Oli lukim, oli tastem samfala samting we mifala i putum on blo oli kam, oli lukim olsem kalja we oli wandem tumas how nao kalja blo yumi mo tredisen blo yumi, lo custom blo yumi.”

    Long wokbaot blong ol turis ia oli bin visitim ol skuls mo bigfala cave long Torres we oli stap usum olsem wan evacuation center long taem blong wan disasta olsem saeklon.

    Bigfala cave ia hemi kasem interes blong olgeta turis, from hemi save acomadetem ova 200 pipol long taem blong wan tropikol saeklon.

    Ol turis oli stap long Loh aelan long Torres.

    Mr Andrew i continu blong pointem out ol atraktive activities we i stap pulum interes blong ol turis long ol aelan blong Torres.

    Hemi talem se ol pipol blong aelan oli soem ol turis kastom hed dres, mo ol woman we oli stap wetem kalaful hair we oli dressap lo custom costumes.

    “Hemia nao fes atraksen we yu mekem se turis hemi intres i kam lukim,” hemi talem.

    “Sekon wan nao, hemi cave blo mifala.”

    Mr Andrew i talem se turis oli gat intres blo how nao pipol blong aelan i liv, mo lokal kakae mo custom.

    “The very interesting wan, mo atracktive wan nao, hemi custom danis we mifala i stap putum on blong oli stap kam lukim.”

    Wan long ol activiti ia we oli soem, hemi long ol original prodak blong olgeta olsem handicraft mo nekles we i atraktem intres blong ol turis blong pem.

    Mo emi wan sos blong income blong olgeta blong helpem olgeta blong sastenem home blong olgeta, afta we TC Lola i tes pas.

    Ova 60 turis ia oli bin spendem 4 hour long Torres long Sande mo oli talem se bae oli kambak long Torres next yia 2024.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen