Sanma Public Helt i rikodem wan hae numba blong Non-Communicable Disease (NCD) long Sanma Provins.
Wan skrining rikod blong 2024 NCD i soem se i kat wan totl blong 307 pipol we oli kat sik blong hae blad presa mo sik suka.
VBTC nius i storian wetem NCD kodinata long Sanma Public Helt, Tsiabon Marie Michelle mo hemi talem ce sik suka mo hae blad presa hemi mein kila long plante man tetei.
“Pikinini long skul oli drink iceblok blong ded, oli nomo lukluk long ol gudfala kakai weh ikat ol fruits weh i stap, beh oli ko karem ol eni kian kakai long sto”
NCD coordinator hemi talem ce wari save kilim yu ded.
“Taem weh hat i pam blad hemi ko blong fulfilim stat long brein kasem lek mo ol finga, beh i kat fulap obstakol i stap naoia from weh string weh blad i shud flo long hem ia, i kat ol rapis kris i stap insaet, hemi min seh yumi kat hae blad presa.”
NCD kodinata, Tsiabon Marie Michelle hemi talem ce kakai helti blong daonem sik blong NCD.
