Sunday, May 19, 2024
29.8 C
Port-Vila
Sunday, May 19, 2024
More

    10 yia reform plan -Air Vanuatu

    Australia i kamap wetem wan 10 yia reform plan blong Air Vanuatu afta long wan kwik asesmen we oli bin mekem long eli yia ia.

    Prime Minista Ismael Kalsakau i anaonsem i no longtaem se Dipatmen blong Foreign Affairs mo Trade long Australia (DFAT ) i kat wan 10 yia plan blong wok long ol kaon, outstanding lease, niu plen mo bildim bak national airline blong i save profitable(mekem mani) mo kivim bak ol riten.

    Prime Minista Kalsakau i talem se Vanuatu i laki tumas we ol owna blong ol plen ia i patience mo no tekem bak olgeta.

    “Of course yumi mas stap pem aot ol kaon blong yumi; Relationship we yumi spoilem wetem olgeta(owna) blong ol twin otter we i kam, yumi mas bildim bak ol relationship ia mo stat putum trust mo konfidens long ol kaon mo lease; I kat wan bigfala problem long manejmen blong kampani ; Politikol interverens tu i no helpem ol kampani blong yumi from hemi wan ‘mess’ mbe hemi wan sik we i kat cure blong hem. Mo bae yumi wok blong sotem aot evriwan. Mi talem tankiu long ol staff mo management we oli kasem fulap toktok tumas mbe oli ko hed blong smile mbe kavman pa i stanap wetem olgeta blong ribildim bak airline,” Prime Minista Kalsakau i talem.

    “Yumi stap long target, i kat olgeta long DFAT(Dipatmen blong Foreign Affairs mo Trade) oli kam vinis mo bae yumi kat wan technical asistens i provaed; Once bambae ol pathway hemi kamaot, bambae yumi luk se bambae oli stap wetem yumi blong 10 yia blong helpem yumi blong karemaot kampani long wea ples we hemi stap long hem naoia; Klinim ap ol debt(kaon) mo mekem sua se yumi kat ol aircraft we oli save sevesem yumi. Taem olgeta i stap mekem hemia long operation mbe long semak taem Bod blong yumi i stap wok rili serious blong mekem sua se hemi taetenem ap ol rong we yumi stap fesem wetem airline blong yumi mo kliarem blong plen i save flae long ol nomol program blong hem.

    Prime Minista Kalsakau i talem se bod bae hemi apdeitem hem long mani blong pem ol airbus sam yia i pas.

    “I kat wan fasiliti we Bred Bank i openem long Air Vanuatu we yumi no tekem advantage long hem yet mo bambae hemi stret rod long ol plane blong yumi, Mbe Dfat i kam insaed naoia wetem wan 10 yia plan blong helpem yumi long peimen blong outstandng lease, wok from wan niu plen mo bildim bak ol fasiliti blong mekem airline i save mekem mani blong kivim riten.  So wan 10 yia plan mo once mi tekem pa mi anaonsmen evriwan,” Prime Minista Kalsakau i talemaot.

    “Ating fulap kaontri oli leasim aot ol plen blong olgeta; Mi save se long Australia mo New Zealand ol plen blong olgeta oli leasim, mo sapos hemi stret blong yusum ten pa yumi ko from. Yumi wantem wan seken plance mo hemia i nosave ko hed blong flae, weta long nature yumi ownem o leasim bae i dipen long commericial advaes we yumi risivim.”

    Prime Minista Albanese i mekem spesific reference blong Air Vanuatu taem Prime Minista Kalsakau i visitim Australia long las wik.

    Prime Minista Kalsakau i talem aot se bae Vanuatu save tokbaot mbe sapos hemi i no sotem aot hem ia fastaem, bambae hemi wan bigfala problem.

    “Mi bin tokbaot long olgeta hao ol engineer blong yumi i stap flae long air Vanuatu sotem aot plen wetem tarmac blong olgeta nomo. Mo hemi bin askem se kat wan wei blong sotem aot long tarmac blong yufala nomo, mo mi askem blong oli bildim blong yumi wan aelan long plesia ale pa mifala i save riperem nomo long plesia,” Prime Minista Kalsakau i talem.

    “Hemi aware se yumi nidim wan mo jet, wan ATR mo fo twin otter , mi bin talem long hem se hemia nao hemi pathway mo hemi statisfied se hemi kat wan technical advaesa we oli stap wetem air vanuatu naoia we i kat wan 10 yia plan kasem we airline i kambk long ples we i stap.

    Prime Minista Kalsakau i talem se Australia bae i mekem wok blong Virgin Australia i kasem bak Vanuatu kwiktaem blong spidim ap ekonomi from ol turis.

    Virgin Airline Australia bae i statem bak seves blong hem i kam long Vanuatu long March afta long 3 yia.

    Chief Executive Ofisa blong Vanuatu Tourism Ofis, Adela Aru i talem se kambak blong airline ia i putum bak konfidens long airline blong kaontri.

    Virgin Australia bae i statem bak ol international flaet blong hem kam long kaontri stat long March 10 long yia ia.

    Long wan wik bae Virgin Airline i mekem wan wikli direk flaet wikli long Brisbane kasem Port Vila long Monday, Wednesday, Friday, Saturday mo Sunday mo i save tekem 176 pasenja.

    Prime Minista Kalsakau i talem se bae hemi anaonsem 10 yia plan blong national airline taem hemi kasem ol ditel.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen