Vanuatu Polis Trafik unit bae hemi saveh kontrolem trafic long moning bitwin 7 oklok mo 8 oklok.

Igat plante konsen hemi rais folem congesten or trafik i fasfas long sam eria long Port Vila.

Espeseli long moning mo long aftenun.

Traffic long Port Vila hemi kam wan bigfala isiu wetem longfala laen blong trak we hemi muv slo tumas.

Igat kol blong Polis i mas step in blong direktem trafik long sam eria.

Wael polis i saveh help, olgeta bae ino saveh kontrolem trafik long ful dei.

Team lida blong Polis Trafik Investikesen, Sergeant Sammy Lini , hemi talem long VBTC nius seh, Polis hemi stanap long rod blong kontrolem trafik blong 1 aoa nomo.

“Afta long taem ya mifala mas ko mekem ol narafala wok weh mifala i kat, long job discripsen blong mifala hemi investikesen wetem fil, wan long ol wok yana hemi trafik kontrol, mifala no saveh nekem trafik kontrol ful dei from man pawa blong mifala i no naf.”

Sergeant Lini hemi pointem aot tu risen why i kat trafik jam.

“i kat wan hemi ol rong paking, olketa long ol mayja rod olsem long Lini Highwei wetem Kulul Highwei, taem yu stop nogud long ol rod ya, bae yu kosem trafik jam nao, mo ol bus stop, yumi mas pikim ap ol man long bus stop nomo mo pablik i mas stopem bus long stret ples.”

Hemi pointem aot tu seh kavman i mas lukluk blong mekem ol ekstra rod mo luk saveh nid blong ol pipol.

“Mi stap askem spos yumi long Pablik Woks mo Kavman, bae mifala i stanap long rod mo mekem smol pat blong mifala beh ufala tu mas mekme pat blong ufala, spos yumi saveh bildim sam rod iko tru long ol eria, kim ol ekstra rod long ol nara man blong oli saveh usum.”

Wael Polis hemi saveh step in long sam ples, igat sam eria weh i nidim help blong driva blong mekem trafik hemi slo.

Hemia taem oli respektem trafik lo.