Yonathan Paolo blong Malekula we kat 23 yia hemi winim surgeri blem blong brain tumor tru long Medivisor Tritmen long New Delhi, India.
Yangfala ia hemi serem storian blem se sik blem i stap longtaem finis taem hemi smol, mo cansa long bren ia istap develop kasem we i afektem eye o lukluk blem.
Hemi talem se sik blong eye ia i mekem hemi nosave rid gud long klas rum mo nosave luk wanem tija i stap raetem long blackboard, mekem se sam taem hemi mas copy wok blong ol fren blem nomo.
Dadi blong Yonathan, Paul Paolo hemi talem se taem boy hemi smol, hed blem wokem stap soa mo i afektem lukluk blem.
Paul i storian se oli bin pas plante taem long Vila Central Hospital (VCH) blong jekem eye blem be olgeta dokta blong yumi long Vanuatu oli no finem wan samting mo oli talem se i nomol nomo.
“Hemi stap continue blong filim pain istap inkris oltaem,” hemi talem.
Long las yia lo 2023, Yonathan hemi ko skul long Universiti long Fiji mo hemi manej blong ko pas long wan klinik blong jekem eye blem bagegen.
Taem olgeta dokta oli jekem eye blem oli no finem wan samting, be oli askem hem blong pas long wan Magnetic Resonance Imaging (MRI) scan blong oli jekem gud hed blem.
Taem ripot blong MRI i kambak i soem se Yonathan i kat wan cansa we i stap develop insaed long bren blem mo behaen long eye mekem se stap spoilem lukluk blem.
Olgeta dokta oli talem se hemi nosave mekem tritmen long Fiji from i nogat ol fasiliti mo ol dokta we oli save wok long hem.
Long end blong manis blo Novemba 2023, Yonathan hemi kambak long Vanuatu mo parents blem i advaesem hem blong pas long wan Praevet Klinik we stap referem olgeta sik man ovasea.
Oli toktok wetem dokta mo soem ol medikol ripot we oli tekem long Fiji, taem dokta hemi luk tru hemi talem se yangfala boy ia i nid blong travel ovasea kwik taem blong karem tritmen.
Dokta ia hemi referem yangfala ia blong pas long Medivisor tritmen long India we kat wan hae janis blong hemi save karem gudfala surgeri.
Long manis blong Desemba namba 29, Yonathan wetem Paul oli aot long kauntri mo kasem New Delhi long India long namba 31.
Paul hemi talem se olgeta agent blong Medivisor long Vanuatu oli sapot bigwan blong lukluk long travel blong olgeta mo tru aot long evri transit oli mekem kasem India.
“Mifala feel olsem mifala no lost, oli stap wajem backsaed blong mifala blong mek sua se mifala kasem airport safely,” Paul hemi talem.
“Oli asistem mifala long evri samting, taem yu no sua yu askem olgeta mo oli stap oltaem blong helpem yu blong save ansarem ol nids blong yu.”
Hemi talem se i kat ol lanwis baria o ol problem blong andastand Bislama mo Inglis be oli kat sapot blong olgeta agent long saed blong komunikesen.
I tekem 1 wik blong mekem ol jek ap mo i bin kat fulap proses blong scan mo mekem ripot bifo oli mekem surgeri blong karemaot tumor o cansa long bren blem.
Yonathan hemi talem se i tekem hem 2 wik blong stap long hospital afta long surgeri mo hemi tekem 3 wik blong rekava gud.
“Evri samting hemi wonderfully performed mo evri samting hemi oraet,” hemi talem.
“Evri wokman long hospital, ol nes, ol dokta oli jekem mi evridei mo oli kim medesin long mi mo handelem mi wetem gudfala kea.”
Hemi tok moa se bifo long surgeri, hed blem wokem soa evridei mo mas tekem Panadol blong mekem i gud.
“Afta long surgeri, mi no dring tumas Panadol, mi dring ol medesin we oli kaveremap ol wounds blong mi nomo but otherwise evri samting hemi oraet.
“Bae tek taem blong rekavari but mi thankem God from hemi save lidim mi kasem ples ia.”
Yonathan hemi stap advaesem evriman blong kam pas kwik long Medivisor blong karem medikol tritmen spos oli kat wan bigfala sik from hemi posibol nomo.
“Karem tritmen mo finem wan wei blong yufala kasem India blong karem better tritment blong save helpem yufala blong rekava full wan mo karem gudfala helt we save lidim yufala ko further in laef mo kat gudfala helt kondisen.”
Paul hemi enkarejem olgeta we stap travel ovasea long RSE blong “lukoatem gud mane blong yu, bae kat taem we yu usum mane ia blong helpem wan famile we istap in need.”
“Plante taem yumi long Vanuatu ol fasiliti blong yumi long hospital mo ol risos we yumi kat eno naf blong helpem yumi blong kasem ples we yumi expectem.
“Bae kat, be yu nid blong pem extra blong kasem seves we yu nidim mo sam bigfala hospital we yumi nogat long Vanuatu, ol seves blong olgeta i very gud mo very professional.
“Medivisor hemi wan gud opportunity blong yumi everyone i sud usum seves blong olgeta.”
