30 mama long diferen handikraf maket long taon oli atendem wan 1 wik trening wetem Lu-ngwanda Fasen blong impruvum hao blong somap ol kwaliti klos blong ol turis.
Trening ya emi stat long Mandei Novemba 20 kasem Fridei 24 mo oli runem long Vanuatu Sosieti blong Pipol wetem Disabiliti (VSPD) konfrens rum.
Ona blong Lu-ngwanda Fasen, Emma Viramalolo emi runem trening ya blong helpem bigwan ol mama blong impruvum ol skill blong olgeta blong somap.
“Trening emi blong tijim olgeta blong oli somap ol kwaliti klos mo providem wan kwaliti sevis lo wan gudfala praes blong ol kastoma blong olgeta,” hemi talem.
“Oli lanem fulap niu skill blo kwaliti sevis blong somapem wan kwaliti klos we pa majem gud praes blem tu osem pa kastoma eno rekret sos emi pem.”
Mrs Viramalolo emi talem tu se pa kat wan mo trening blong somap nekis yia mo stap askem ol mama blong handikraf maket blo kam joen.
“From yumi ol mama wok long kapitel pa yumi nao mas wok strong blo mek sua se umi mekem ol kwaliti klos mo sevis blong helpem turisim indastri blong yumi.”
Lu-ngwanda we emi minim ‘Klos blong Yumi’ long Wes Ambae emi wan lokol bisnis nmo we Vanuatu Kreativ Indastri emi sapotem wetem mani blong runem trening long ol mama.
