Massing Warawara bae i faitem, Maksym Karmalita long Melbourne city tete long nait.
Massing Warawara wan yang boxer blong yumi, weh hemi fait nao long lait weit, hemi stap long Ostrelia, bae hemi mekem wan mo fait blong hem long Melbourne tete nait.
Fait weh bae hemi mekem ia, wetem Maksym Karmalatia, weh hemi base long Tasmania beh hemi wan boy Ukrain.
Warawara wetem Maksym Karmalita tufala tugeta i kat 23 yia.
Warawara hemi bin stap blong samtaem finis long Ostrelia mo hemi bin mekem viu long olgeta fait blong hem finis long wei.
Warawara hemi stap long Ostrelia long wan longterm kontrak wetem olgeta aijen blong hem long Sydney blong ko mekem smol wok, trening mo mekem sam fait long taon weh hemi beis long hem.
Masing Warawara hemi fait nao long 60kg lait weit, mo long taem ia hemi manej blong winim wan silva medel.
Naoia treing blong hem long olgeta wik ia kam kasem long wik ia, hemi tuwods nokaot we bae hemi stap long Melbourne tete.
VBTC Sports i bin toktok wetem hem afta long las fait blong hem, mo hemi talem se, ol kompetisen we hemi stap ko long hem ia hemi pat blong priperem gud hem sapos eni pik nokaot i kam antap.
Warawara i leko Sydney long namba 11 Julae finis blong ko taon long Melbourne,bambae tufala i weight long aftenun blem mo redi from fait tete long nait.
