Monday, July 15, 2024
29.8 C
Port-Vila
Monday, July 15, 2024
More

    Wan boy i stap long hospital from electric i jokem hem-Santo

    Wan boy long Luganville, Santo we yia blong hem i anda long 15 hemi admit long hospital long wiken from i jok long electric mo hemi kasem ol kil long bodi blong hem.

    Eria Sekretari blong Saot East Santo Eria Council, William Garae i konfemem long VBTC Nius se yangfala ia electric i bin jokem hem taem hemi klaem i go antap long postlaet blong live electric wire blong VUI long eria blong Banban.

    ”Eli evening samples long 6 kasem 7o’klok olsem, i gat wan smol yangfala long yia anda 15 wetem ol fren blong hem we oli stap storian long rod, afta boy ia nao i klaem long post laet ia. Hemi kasem fok we i stap antap long post laet we ol live electric wire oli stap long hem, ol nara fren blong hem oli luk hem oli sek mo oli singaot long hem blong hemi kam daon,’’ Mr Garae i talem.

    ‘’Long wei blong hem i kam daon afta long 1 mita long ples we hemi kasem, electric hemi jokem hem mo hemi foldaon antap i kam daon, 5 mita kasem long kraon.’’

    Mr Garae i talem se boy ia i stap naoia long hospital blong hemi save harem gud.

    Kambani blong VUI i wonem ol yangfala mo evriwan se hemi tabu blong go kolosap long ol live electric wire ia from hemi karem wan pawa blong 500 volt.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen