Friday, February 7, 2025
29.8 C
Port-Vila
Friday, February 7, 2025
More
    Friday, February 7, 2025

    Vodafone bae hostem wan VT500,000 Gem Tonamen

    Ol yut patisipen blong gem tonamen blong las yia. Foto: Vodafone

    Vodafone wetem patnasip blong Vanuatu E-Spots bae hostem wan Gem Tonamen blong PubG mo FIFA long Fraedei lo wik ia weh hemi kostem VT500,000.

    Hemi namba tri taim nao weh Vodafone hemi stap hostem ol Tonamen blong gem mo hemi fest taim weh bae hostem gem blong FIFA 23.

    Prokram Kodinata blong Vodafone Vanuatu, Renold Bhan (Mr Panz) hemi talem se bae kat 272 patisepen weh oli saen finis blong tek pat long tonamen long Desemba 22 long end blong wik ia.

    “Aim blong tonamen ia hemi blong tekem tugeta ol yuts blong Port Vila mo bildim wan netwok weh oli saveh sosalise tugeta mo showem skil blong olgeta long gem blong Pubg mo FIFA,” hemi talem

    “Yumi traem blong createm wan gudfala strakja blong gem mo mekem ol rul weh bae evri patisipen bae mas folem blong mek sua se hemi wan sakses semak long tonamen blong las yia.”

    Bae kat pool gem long PubG blong wan tim blong 4 pleya long maps blong Erangel mo Miramar mo bae i kat 52 tim (208 pleya) weh oli regista blong ple.

    Praes blong PubG tonamen:

    • 1st praes – VT40,000
    • 2nd praes – VT25,000
    • 3rd praes – VT15,000

    Blong FIFA 23 weh bae oli ple long Playstation 5 bae kat ol knockout maj mo i kat 64 pleya weh oli regista blong ple.

    Praes blong FIFA tonamen:

    • 1st praes – VT20,000
    • 2nd praes – VT10,000
    • 3rd praes – VT5,000

    Registresen blong tek pat hemi klos fiinis yestete long Tusdei beh ol fee blong joen long wan pleya blong PubG hemi VT200 mo blong FIFA 23 hemi VT100.

    Mr Panz hemi tok moa se oli wantem hostem ol tonamen olsem blong no mekem kompetisen nomo beh blong karem ol yut tugeta blong oli save kat janis blong winim mane lem. 

    “Yumi mekem blong bildimap yut interes, mo blong helpem olgeta saveh hao blong wok olsem wan tim, impruvum skil blong olgeta long gem mo tu blong mekem olgeta fil pat long wan komumiti weh oli sherem semak interes blong ple tugeta.”

    Bigfala gem tonamen ia pa stat long 8 long moning mo kasem 5 long Fraedei aftanun mo pa kat prokram blong Vodafone Karol tu long naet blem long Feiawa pak lo seafront.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations