Vanuatu bambae i expectem 3 to 5 saeklon long saeklon season blong 2023 kasem yia 2024.
Prediksen blong Vanuatu Meteorology mo Geohazards Department (VMGC) i bin kamaot long Nasonal Klaemet Aotluk Forum we i tekem ples long Santo.
“Long prediksen mo obsevesen blong yumi long VMGD, yumi expectem blong yumi kat 3 to 5 saeklon we oli putum name blong olgeta, bae hemi pass long region blong yumi or eria blong responsibility blong Vanuatu,” Kodineta blong Rainfall network, Mr Kalsua Gorden i talem.
Aotluk blong VMGD i talem se risk blo saeklon season ia hemi “average to above average” mo long ol saeklons ia we i save kam, tu (2) o moa bae i save kasem kategori 3 o moa.
Aotluk i talem tu se Vanuatu hemi gat moa dry conditions long plante ples long kantri long nekis 3 kasem 6 manis from i gat El Nino. Be sapos Vanuatu i gat saeklon, hemi save kasem hevi rein mo narafala disaster olsem winds we i save kosem bigfala damej, mo storm surge, mo mudflow wetem lanslide.
Tru long Nasonal Klaemet Aotluk Forum, olgeta volunteer long Rainfall Network we oli stap long ol provins i lanem fulap samting long saet blong upgrade long ol skills mo save long traditional save blong monitor mo collection blong ol data.
Mo tu ol volunteer ia oli kam blong saenem contrak blong olgeta we bambae oli kam ol wokman blong VMGD.
Mr Gorden i talem seh hemi longtaem tumas we oli stap wok be oli no regoknaes by Pablik Seves Commission.
“Yumi riddim everi rainfall data wan taem long wan dei, long 365 deis oli mas riddim rainfall data everi dei,” hemi talem.
“Oli stap mekem ol recording ia since 2009 afta i kam wok i go taon smol, and long 2013 yumi ranem wan wokshop long Santo, mo revivem bak everi station mo yumi continue blong collectem rainfall data.”
Olgeta delegates we i present long decleration ia hemi SG blong Sanma provins, director blong VMGD mo ol memba blong PTAK we oli available blong witnisim degleration ia.