Minista blong Internal Afeas, Hon. Johnny Koanapo hemi konfem long Palamen tudei se hemi fes taem blong Vanuatu blo kat wan Nasonal Referendum.
Minista hemi talem se bifo long Independence, i kat wan diskasen blong wan Referendum mo oli bin implementem wan Referendum Act blong 2004 be kasem tudei, kauntri i neva kat wan Nasonal Referendum.
Referendum Act blong 2004 oli pasem long Palamen long Desemba namba 23 mo hemi wan Act blong save provaed blong evri Nasonal Referendum blong kauntri.
Long Article 86 blong Constitution, wan Nasonol Referendum i mas tekem ples sapos wan Amendmen blong Constition i pas long palemen long eria blong lanwis olsem Bislama, English mo French, Elektrol System o Palriamentary System.
Minista Koanapo hemi tok moa se afta long launch blong Referendum long Febuari namba 7 we Hed blong State, his Excellency, Nikenike Vurobaravu hemi mekem, Nasonal Referendum Committee bae wok blong helpem Elektoral Ofis long ol wok blong Referendum long kauntri.
“Bae kat ol sub committee tu blong assistim Nasonal Referendum Committee we istap,” hemi talem.
Minista hemi talem se bae oli setem ap wan Nasonal Eminent Advisori Grup we i kat ol diferen lida includem ol drafters blong Constitution mo wok blong olgeta hemi blong givim advisory input long Nasonal Referedum Committee.
Mass campaign blong distributem infomesem mo resem awenes blong Nasonal Referendum bae launch tudei long Fradei.
Aim blong mass campaign ia hemi blong luk se majoriti populesen blong kauntri mas andastan mo save wanem nao wan ‘Yes’ mo ‘No’ Referendum.
Minista hemi tok moa se bae kat ol tim we bae travel kolo ol aelan mo provins blong mekem ol awenes blong Nasonal Referendum.
Hemi tok strong se bae tim mas kasem evri remote aelan mo vilej blong evri wan i mas vot.
“Bae kat 4 ballot pepa we 2 hemi grin blong minim YES mo 2 hemi red blong minim NO mo bae vota mas putum insaed long wan envelop wetem kala blem,” MP Koanapo hemi talem.
Minista i talem tu se bae kat wan Legislation Oda we bae Atoney Jenerol hemi writem olsem wan guide blong Elektrol Ofis mo Nasonal Committee blong helpem vot process blong Referendum.
I kat 90% blong vota we oli regista Nasenal ID kat blong vot be Minista hemi strong se bae yumi mas lukim 100% bifo Referendum.
Bae kat ol poling stasen we bae Elektrol Ofis i setem ap blong olgeta citizen we slip ovaseas blong save vot tu.
Minista Koanapo hemi endem toktok blem wetem wan apil iko long evri wan blong pasem stret infomesen blong Referendum, mo eni mis infomesen bae save fesem wan penaliti folem law blong kauntri.
