Wan turis bot kampani hemi sta katem doan namba blong visit long sam ples long Vanuatu.
P&O kampani hemi konfem se bae turis bot pa no pas long Santo from oli sta traem blong katem kost blong fuel.
Hemia emi folem ol kwesten long pablik we i bin res se from wanem nao turis bot nosta visit plante long Luganville, Santo.
P&O representatif Adrian Mooney hemi talem se oli sta katem daon numba blong turis sip blong kasem Santo from longfala rod blong travel mo from fuel emi sas tumas blo pem.
“Kampani sta traem blong katem gas emisen mo emi stat travel long slo speed,” hemi talem.
“Yumi sta traem blong katem daon kost blong fuel mo gas lo 30% blong yumi save helpem bak kampani blong P&O.”
Mr Mooney hemi talem se las yia i nomo kat tumas planing blong ol rod blo travel blo kasem ol diferen pat blong kantri.
“Skedule blong wan turis bot hemi mas kamoat 3 yia bifo i stat ron be afta long COVID-19 i bin kat fulap tingting mo konsen long wij ples pa turis bot pa pas lem.”
Santo hemi wan long ol ples we kat fulap touris atraksen mo oli bin wari tumas long from wanem nao turis nosave kasem olgeta.
