Polis i wonem pablik se bae hemi strik long Easter.

Jif Inspector long Vanuatu Polis Force, Tony Berry, i talem se eniwan we i no komplae long ol helt oda long longfala holidei ia bambae polis i mas arrest mo holem taet olgeta blong faen.

Mr Berry i talem se sekuriti long wanwan laef mo hom i mas prioriti blong evriwan.

“Tinktink blong ko long solwota yu mas mekem aos blong yu i sef fastaem; yu mekem sua se wan man i mas long haos blong katem daon steal,” Mr Berry i talemaot.

Mr Berry i talem se pipol i no mas mekem faea i stap laet ale oli aot long haos.

“Taem yumi ko stap long bubble blong yumi nomo,” Mr Berry i talem.

“Yumi mas mekem sua se ol rul yumi aplaem. Taem yumi ko solowota, yumi rispektem ol land owna from fulap aktiviti we i hapen long pas, ol land owna nao oli viktim blong hem.”

Long Efate bae pipol i witnisem presens blong Polis long plante ples.

Mr Berry i talem se ol skul long Efate i no operet be ol studen i mas stadi long haos mo kol i ko long ol parents mo gadiens blong tekem kea long olgeta.

“Apil nomo i ko long ol studen blong stap sef oltaem,” Mr Berry i talem.

Long pas plante yangfala i careless i mekem se samfala i aksiden long trak mo long solwota.