Thursday, June 13, 2024
24.8 C
Port-Vila
Thursday, June 13, 2024
More

    State blong emejensi i stap long 5 provins

    Gavman i deklerem state blong emejensi long 5 provins blong Vanuatu we oli fesem bigfala damej blong katekori 5 Tropikol Saeklon Lola.

    Praem Minista Hon Charlot Salwai Tabimasmas i mekem anaonsmen long Satete 28 Okotba 2023. 

    “Dekleresen ya blo siks manis,” Hon Salwai i talem.

    “Emi kavremap ol provins ya we Tropikol Saeklon Lola emi afektem olgeta. Igat Torba provins, Sanma provins, Penama provins, Malampa provins, mo Shefa provins olsem disasta eria. 

    “Mo emi ifektif long 25 Oktoba 2023.”

    Hemi talem se President blong Ribablik blong Vanuatu nao, Hon Nikenike Vurobaravu i saenem dekleresen ya long Fraedei, 27 Oktoba. 

    State blong emejensi ya emi kam anda long advaes blong nasonal disasta komiti, mo koansel blong olgeta minista i agri long hem. 

    Hon Salwai i serem tok sori blong hem folem ded blong 3 pipol we i lusum laef blong olgeta afta long Tropikol Saeklon Lola. 

    “Mi wantem expresem sincere condolence igo lo ol famili we oli lusum ol beloved ones blo olgeta, (espeseli) tufala mama wetem pikinini,” Hon Salwai i talem.

    “Mi prea blo mi se God emi welkamem olgeta lo Kingdom blo hem. 

    “Mi sta prea tu se emi givim tabu spirit blo hem, blo hemi kamfotem ol memba blo famili lo sad taem ya.”

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen